بسكوت التأمينات

"حفاظاً على اللياقة الذهنية، وحتى لا نبتعد كثيراً، وليستمر التواصل، أكتب لكم، بعضاً مما طرالي".

*

هو: أنت ليش دايم تقوم بدور المحامي عن الحكومة؟

أنا: وأنت ليش دايم تقوم بدور العجوز اللي بايقين عشاها؟

*

هو: نواب المعارضة غايبين عن المشهد 10 سنين، وش أنجزت الحكومة، في غيابهم؟

أنا: نواب المعارضة موجودين لمدة 20 سنة، من 92-2012، وش أنجزوا في حضورهم؟

*

هو: عطني سلفي واحد يساند مطالب الشعوب.

أنا: عطني (حزبي اخواني) واحد، يحب حكومته، ويوالي حكام بلده.

*

هو: شلون تثني على صباح الخالد، وترى إنه اصلاحي، وأنت ما شفت منه أي شيء؟

أنا: وشلون نواب 2006، يثنون على ناصر المحمد، ويرون أنه إصلاحي، وهم ما شافوا منه أي شيء؟

*

هو: ليش ما قاطعت منتجات فرنسا؟

أنا: وأنت ليش تسافر لفرنسا؟

*

هو: وين اللي قال في 2015 أنه سينهي حرب اليمن خلال 6 شهور.

أنا: وين اللي قال لبشار في 2011: قسماً بربي ستدفع الثمن غالياً؟

*

هو: ليش دايم تدافع عن السعودية؟

أنا: أنت ليش دايم تدور الزلّة على السعودية؟

*

ملاحظة: بسكوت التأمينات ماله شغل في الموضوع.

*

خلاصة القول:

لا تسمح لهم يسألونك!

.